Arsenali regjistroi fitore në miqësoren ndaj Barcelonës, të zhvilluar në kuadër të turneut para-sezonal në Shtetet e Bashkuara të Amerikës.
Ndeshja e zhvilluar në stadiumin “SoFi” dhuroi spektakël, pasi u shënuan plot tetë gola, shkruan Gazeta Express.
Fitorja i takoi skuadrës së drejtuar nga Mikel Arteta me rezultatin 5:3.
Seria e golave u hap nga Robert Lewandowski (7’), teksa shifrat u barazuan nga Bukayo Saka (13’).
I njëjti lojtar kishte mundësinë ta kalonte skuadrën e tij në epërsi nëntë minuta më vonë, por dështoi nga penalltia.
Raphinha (34’) shënoi pastaj për të rikthyer avantazhin e “Blaugranëve”.
Para fundit të pjesës së parë shifrat u barazuan sërish, me Kai Havertz (43’) që shënoi për londinezët.
Leandro Trossard (56’, 78’) me dy gola ia dhuroi epërsinë e parë “Topçinjve”, teksa Ferran Torres (88’) shënoi për ta ngushtuar atë.
Fitoren e Arsenalit u vulosi Fabio Vieira (90’).
Për Arsenalin ishte kjo ndeshja e fundit në turne para-sezonal, teksa ndeshjen e radhës do ta luajë në shtëpi ndaj Monacos, në finales e Kupës Emirates.
Barcelona ndeshjen e radhës miqësore do ta luajë më 29 korrik, ndaj Real Madridit
