Një person, 24 vjeç është arrestuar nën dyshimin se ka kryer veprën penale “vjedhje e rëndë” dhe “vjedhje e rëndë në bashkëkryerje”, Prizren.
Sipas një njoftimi të Policisë së Kosovës, bëhet e ditur se arrestimi i tij është bërë sot rreth orës 09:30 nga njësitet policore të stacionit të Prizrenit.
“Më datë 13 Prill 2023, rreth orës 09:30 Njësitet policore të Stacionit Policor Prizren, bazuar në informacionet e mbledhura përmes rrugëve operative, kanë lokalizuar dhe kane arrestuar te dyshuarin S. B. (24 vjeçar). I njëjti ka qene në kërkim policor për veprën penale ‘Vjedhje e rëndë’ dhe ‘vjedhje e rëndë në bashkëkryerje’, ndërsa arrestimi i tij është bërë në Prizren, në bazë të urdhër arrest të lëshuar nga Gjykata Themelore në Prizren”, thuhet në njoftim.
Po ashtu sipas njoftimi, bëhet e ditur se i dyshuari është dërguar në burgun e Prishtinës në Hajvali në vuajtje të dënimit prej një viti.
“Pas arrestimit të personit të kërkuar, nga njësitet përkatëse policore i njëjti është dërguar në Burgun Prishtinës në Hajvali , në vuajtje të dënimit me burg në kohëzgjatje për 1 ( Një) vit”, thuhet në njoftim.
