Një inspektor i Ministrisë së Financave, Punës dhe Transfereve, është arrestuar të hënën nga Policia e Kosovës.
Ai dyshohet për keqpërdorim të detyrës zyrtare, ka bërë të ditur policia në raportin 24-orësh.
Sipas policisë, i dyshuari dyshohet se i ka kryer një favor një kompanie private.
“Lidhur me rastin me datën 26.06.2023 është arrestuar i dyshuari mashkull kosovar, inspektor në Ministrinë e Financave, Punës dhe Transfereve i cili dyshohet të ketë kryer veprën e lart-cekur. Me këtë rast i dyshuari dyshohet se i ka bërë favor kompanisë ku punonte viktima”, ka thënë policia.
Me vendim të prokurorit ,i dyshuari është dërguar në mbajtje.
