Është arrestuar një 44 vjeçar në Vushtrri, pasi që kishte raportuar se i janë vjedhur para nga gjirollogaria e tij. Pas hetimit të policsë është vërtetuar se raportimi ishte i rrejshëm dhe se i dyshuari i kishte tërhequr vetë parat.
“Mbi bazën e deklarimit dhe me autorizim të prokurorit rasti ishte iniciuar “vjedhje“. Hetuesit policorë kanë ndërmarrë veprime hetimore që kanë rezultuar se deklarimi të jetë i rrejshëm, provat e siguruara dëshmojnë se ankuesi tanimë i dyshuar kishte bërë vet tërheqjen e shemës së parave”, thuhet në njoftimin e Policisë.
Pas intervistimit i dyshuari është liruar në procedurë të rregullt.
Njoftimi i plotë:
Arrestohet një person i dyshuar për veprën penale ‘’ lajmërim apo kallëzim i rremë’’
Vushtrri, 22 shtator 2022
Ditë më parë në Stacionin Policor në Vushtrri, ankuesi tanimë i dyshuar kishte raportuar se pa dijeninë e tij nga gjirollogaria i ishin vjedhur-tërhequr një shumë e parave.
Mbi bazën e deklarimit dhe me autorizim të prokurorit rasti ishte iniciuar “vjedhje“. Hetuesit policorë kanë ndërmarrë veprime hetimore që kanë rezultuar se deklarimi të jetë i rrejshëm, provat e siguruara dëshmojnë se ankuesi tanimë i dyshuar kishte bërë vet tërheqjen e shemës së parave.
Rrjedha hetimore si dhe provat e siguruara kanë bërë që nga ana e prokurorit të rastit vepra penale të rikualifikohet nga rasti ‘Vjedhje’ në vepër penale ‘Lajmërim apo kallëzim i rremë’ .
Ndërsa pas intervistimit, me urdhër të prokurorit i dyshuari K. B., 44 vjeçar, është liruar për procedurë të rregullt./Prishtinapress/