Drejtoria Rajonale e Policisë në Gjakovë, në dy raste të ndara ka arrestuar dy persona dhe ka konfiskuar një armë, municion dhe 13 gramë substancë të dyshuar narkotike.
Në rastin e parë, rreth orës 00:30 një veturë nuk ishte ndalur në shenjën e dhënë nga policia për tu ndalur në pikë kontrolli në rrugën “Ymer Pula”.
Patrulla policore është vënë në ndjekje dhe kanë arritur të ndalojnë veturën në fjalë të cilën e ngiste i dyshuari K. XH., i lindur në vitin 1999, shtetas i Republikës së Kosovës.
Gjatë kontrollit në posedim të tij është gjetur dhe konfiskuar një sasi prej 13 gramë substancë e dyshuar narkotike e llojit marihuanë.
Në rastin e dytë, rreth orës 00:45 patrulla policore në një pikë kontrolli në rrugën “Gjon Nikoll Kazazi” në Gjakovë, ka ndalur një veturë dhe në posedim të shoferit (mashkull i moshës madhore), është gjetur dhe sekuestruar një pistoletë, dy karikatorë dhe tridhjetë e tetë copë fishekë.
Lidhur me veprimet e ndërmarra është njoftuar prokurori kompetent me vendimin e të cilit armët, municioni dhe substanca e dyshuar narkotike janë konfiskuar.
Dy të dyshuarit janë ndalur në mbajtje për 48 orë.
