Katër zyrtarë të Komunës së Kamenicës janë arrestuar sot për shkak të dyshimit për keqpërdorim të pozitës dhe Keqpërdorim dhe Mashtrim në Prokurim Publik.
Lajmin për Insajderin e ka konfirmuar zëdhënësi i Policisë së Kosovës, Daut Hoxha, i cili ka detajet do të publikohen përmes komunikatës për medie.
“Mund të ju konfirmoj se 4 persona janë arrestuar sot ne rajonin e Gjilanit, në Kamenicë, nga Policia e Kosovës, nën dyshimin për vepra penale: Keqpërdorim i Pozitës zyrtare dhe Keqpërdorim dhe Mashtrim në Prokurim Publik, ndërsa për detaje tjera do të njoftoheni përmes komunikatës për media”, ka thënë Hoxha për Gazetën Insajderi.
