Gjykata Themelore e Prishtinës ka vendosur që Agim Ademit t’i caktohet masa e arrestit shtëpiak për një muaj.
Kryetari i Federatës së Futbollit të Kosovës u shoqërua sot me autoambulancë në gjykatë.
Më herët, Prokuroria tha se Prokurori i Shtetit e ka kërkuar masën e arrestit shtëpiak ndaj Agim Ademit, për çka pas pak do të mbahet seanca me dyer të mbyllura.
Ademi është dërguar dje në mbajtje për 48 orë, por që nga dje ka qenë i shtrirë duke kryer teste ekzaminime mjekësore.
Agim Ademi u arrestua dje nën dyshimin për veprat “Keqpërdorim i besimit” dhe “Shmangie nga Tatimi”.
Sot, në raportin e policisë u tha se Ademi dyshohet për keqpërdorim të buxhetit të Federatës së Futbollit.