Policia e Kosovës, konkretisht Njësia për Hetimin e Krimeve Mjedisore, ka ndërmarrë veprime ndaj të dyshuarit D.H., për gërmime të paligjshme në një zonë të mbrojtur arkeologjike.
Sipas policisë, bazuar në urdhëresën e Gjykatës Themelore në Gjilan, është realizuar kontrolli në lokalin dhe shtëpinë e të dyshuarit, ku janë gjetur dhe sekuestruar gjetje arkeologjike të nxjerra në mënyrë të paligjshme.
“Pas konsultimit me prokurorin e rastit, i dyshuari është intervistuar dhe ndaj tij është lëshuar aktvendim për ndalim prej 48 orësh”, thuhet në njoftimin e policisë, transmeton Klankosova.tv.
Më tej, policia tha se hetimet në lidhje me rastin po vazhdojnë nga autoritetet kompetente.
