Kantautori i njohur, Armend Regjepagiqi, ka disa vite që qëndron larg syrit mediatik.
Njëlloj ka vepruar edhe bashkëshortja e tij, tekstshkruesja e njohur, Aida Baraku.
Mirëpo, këngëtari Regjepagiqi vitin e kaluar kishte treguar se së shpejti do të rikthehet me një projekt të ri muzikor, që me gjasë do të publikohet këtë vit.
Ndërkohë, ka qenë së fundmi këngëtarja Mimoza Mustafa, ajo e cila ka publikuar së fundmi një fotografi ku shfaqet krah kantautorit të njohur.
“Me shokun tim që e dua shumë, Armend Regjepagiqin”, ka shkruar këngëtarja në mbishkrimin e fotografisë.
E njëjta këto ditë pritet të publikojë një klip të ri në bashkëpunim me këngëtarin Dani, ndërsa pas këtij bashkëpunimi pritet publikimi i një projekti të ri solo, të punuar nga dyshja Aida dhe Armendi.
Ndryshe, Mimoza Mustafa ka vite që është e martuar me këngëtarin Shkumbin Kryeziu me të cilin kanë dhe dy fëmijë, një vajzë dhe djalë, Rozafa dhe Bojkeni.
Madje Rozafa shpesh është bërë pjesë e mediave për paraqitjet e saj në rrjete sociale.
