Arda Guler: Shumë klube më dëshiruan, por zgjodha ekipin më të madh në botë

Arda Guler sot është prezantuar si futbollisti më i ri i Real Madridit.

Ai u zyrtarizua dje, teksa Real Madridi ia “vodhi” futbollistin turk Barcelonës.

Katalonasit ishin shumë pranë arritjes së marrëveshjes, megjithatë Reali hyri në garë dhe siguroi shërbimet e tij.

E në prezantim, Arda Guler tha se zgjodhi të shkonte në klubin më të madh në botë.

“Shumë klube më dëshiruan, por vendosa t’i bashkohem Real Madridit. Ky është klubi më i madh në botë”, tha ai.