Modelja dhe influencierja e rrjeteve sociale Arbenita Ismajli është shfaqur me disa video në palestër sot, derisa mbrëmë ajo paralajmëroi fillimin e procedurave ligjore për ndarje nga Fero
Pasi që dërgoi Feron në polici, pasi që u ankua për dhunë fizike dhe verbale në të, modelja Arbenita Ismajli sot është shfaqur e qeshur derisa ka bërë palestër.
Edhe pse nuk ka treguar vendin se ku është për momentin, Arbenita është parë e relaksuar pas problemeve që pati me burrin e saj, Feronit Shabani që në publik njihet me nofkën Fero.
Ndryshe, dje Arbenita ka paralajmëruar me anë të një InstaStory që ka filluar procedurat ligjore të ndarjes nga Fero.
“Me avokatin tim Arianit Koci do t’i iniciojmë të gjitha procedurat e parapara ligjore. Faleminderit për mbështetje! Ju dua!”, ka shkruar ajo në një fotografi që ka postuar me avokatin Koci.
