Federata e Anglisë nuk ka harruar të rikujtojë mikpritjen e madhe që iu bë para një viti nga Kosova.
‘Dardanët’ ishin nikoqir të Tre Luanëve në kuadër të kualifikimeve për Kampionatin Evropian.
Nga rrugëtimi i tyre prej aeroportit ndërkombëtar “Adem Jashari”, e deri te futja e tyre në fushë, për lojtarët e Anglisë ishte bërë një pritje speciale.
Jo vetëm ndaj lojtarëve, të njëjtin fat e kishin përjetuar edhe tifozët, që kishin mbetur të habitur nga zemërgjerësia e popullit shqiptar në Kosovë.
Edhe pse Përfaqësuesja jonë në atë takim ishte mposhtur 4-0, anglezët sërish u përcollën me duartrokitje.
Ato momentet të bukura që i përjetuan një vit më parë, Anglia i ka rikthyer sërish në memorie.
