Grupi Koordinues për anëtarësimin e Kosovës në Këshillin e Evropës sot nga ora 14:00 do të zhvillojë takimin e radhës në Qeverinë Kosovës.
Ky takim do të hapet nga zëvendësministri i Punëve të Jashtme dhe Diasporës, Kreshnik Ahmeti dhe nënkryetarja e Kuvendit të Kosovës, Saranda Bogujevci.
“Në këtë takim, i cili do të hapet nga zëvendësministri i Punëve të Jashtme dhe Diasporës, z. Kreshnik Ahmeti dhe nënkryetarja e Kuvendit të Kosovës, znj. Saranda Bogujevci, do të diskutohen dhe adresohen përfundimet e dhëna nga Juristët Eminentë të Këshillit të Evropës, në raportin e tyre mbi anëtarësimin e Republikës së Kosovës në këtë organizatë”, thuhet tutje në njoftimin e MPJD-së.
