Ambasadorja e Suedisë në Serbi, Anika Ben David, tha sot se për de-përshkallëzimin e situatës në terren, është me rëndësi vendimtare që barrikadat në Kosovë të hiqen dhe që serbët e Kosovës të kthehen në vendet e tyre të punës në institucionet.
“Ne mendojmë se është me rëndësi vendimtare që të qetësohet situata që barrikadat të hiqen dhe që serbët e Kosovës të kthehen në vendet e tyre të punës në institucione”, tha Ben David për TV K1.
Ajo theksoi se lufta në Ukrainë do të përcaktojë presidencën e Suedisë me Bashkimin Evropian dhe se synimet e saj në gjashtë muajt e ardhshëm do të jenë një Evropë më e sigurt dhe më e lirë./Prishtinapress/
