Tzipi Hotovely, ambasadorja e Izraelit në Britani, tha se vendi po përjetonte “një realitet që është kthyer në një makth”, raporton The Guardian.
Ajo i tha BBC Breakfast: “Izraeli është në një luftë që Hamasi filloi dje. E llogaritur. E planifikuar. Duke shënjestruar izraelitë, civilë, fëmijë të pafajshëm.”
Ajo shtoi: “Ne pamë kryeministrin Sunak, pamë presidentin Biden dje, ata po mbështesin të drejtën e Izraelit për vetëmbrojtje, sepse ne jemi në një realitet që është kthyer në një makth. Ne nuk mund të bëjmë asgjë tjetër… duhet të mbrojmë njerëzit tanë.”
“Kjo është një luftë e domosdoshme. Izraeli nuk e priste që kjo të ndodhte [por] ne duhet të sigurohemi që infrastruktura e terrorizmit të shkatërrohet 100%. /GazetaExpress/
Ambasadorja izraelite në Britani: Hamasi po shënjestron izraelitë, civilë, fëmijë të pafajshëm
