Për Federatën Ruse në raport me Kosovën “gjëja më e rëndësishme është qëndrimi i Serbisë”, ka thënë ambasadori rus në Beograd, Aleksandar Boçan Harçenko; teksa përsëriti atë që kaherë është qëndrimi rus që s’e njohin shtetin e Kosovës.
“Rusia nuk e njeh Kosovën, dhe as s’e konsiderojmë shtet. Gjëja më e rëndësishme është qëndrimi i Serbisë. Rusia dhe Serbia historikisht dhe shpirtërisht janë të lidhura. Ju s’vendosët sanksione ndaj nesh, me çka treguat qartazi interesin tuaj kombëtar”, ka thënë ai në televizionin kryekëput propagandistik serb e pro-rus, “Informer”.