Ambasadori Amerikan Philip Kosnett ka përshëndetur 28 bursistet e programit ‘Gratë në Energji”, që do të ndjekin studime profesionale dy-vjeçare në kolexhin e Des Moines.
Ai ka thënë se ky program që mbështetet nga MCC dhe MFK, përbën hapat e shkëlqyeshëm në rrugën e Kosovës drejt vetqëndrueshmërisë.
“Të 28 bursiste e programit Gratë në Energji që u larguan sot nga Kosova për të kaluar dy vjet studime në DMACC, mbështetur nga MCC dhe MFK përbëjnë 28 hapa të shkëlqyeshëm në rrugën e Kosovës drejt vetqëndrueshmërisë”, ka shkruar Kosnett në ‘Twiter’.
Programi i Bursave Gratë në Energji është pjesë e një programi të gjerë për avansimin e gruas dhe ofrimin e mundësive të barabarta në tregun e punës me fokus në sektorin e energjisë.
‘Gratë në Energji’ implementohet nga Fondacioni i Mileniumit i Kosovës (MFK) udhëhequr nga ish ministri i jashtem Petrit Selimi dhe mundësohet nga agjensioni amerikan MCC.