Ambasadori i Iranit në Organizatën e Kombeve të Bashkuara, Majid Takht Ravanchi, ka thënë se vrasja e gjeneralit Qasem Soleimanit nga Shtetet e Bashkuara të Amerikës është një “akt lufte”.
Në një intervistë për CNN, Ravanchi ka thënë se “Irani nuk mund t’i mbyllë sytë nga ajo që ka ndodhur. Padyshim se do të ketë hakmarrje – hakmarrje të ashpër”, transmeton Klan Kosova.
“Mbrëmë SHBA-të filluan një luftë të ashpër ushtarake duke vrarë një prej gjeneralëve tanë më të mirë. Pra, si duhet të veprojë tani Irani? Ne nuk mund të heshtim. Ne duhet të veprojmë edhe atë ashpër”.
Iran’s ambassador to the United Nations, Majid Takht Ravanchi, says that if the US has evidence Qasem Soleimani was planning an imminent major attack against American interests, they should show it. pic.twitter.com/t5U916JWVN
— OutFrontCNN (@OutFrontCNN) January 4, 2020
I pyetur nëse Irani do të veprojë ushtarakisht, ai tha “ndaj një sulmi ushtarak ne duhet të veprojmë ushtarakisht. Kush? Kur? Ku? Mbetet të dëshmohet në të ardhmen”.