Astrit Zemaj, përfaqësues i Kosovës për marrëdhëniet me NATO-n, është takuar sot me Rob Bauer, kryetarin e Komitetit Ushtarak të Organizatës së Traktatit të Atlantikut të Veriut.
Ai, me anë të një postimi në rrjetin social Facebook, ka thënë se Kosova është e vendosur për të ardhmen euroatlantike.
“Admirali CMC Bauer është autoriteti më i lartë ushtarak i NATO-s dhe njëkohësisht edhe Këshilltar Ushtarak i Sekretarit të Përgjithshëm të NATO-s dhe i Këshillit të Atlantikut të Veriut-NAC”.
“Vendi ynë është mirënjohës për kontributin e jashtëzakonshëm të NATO-s dhe KFOR-it ndër vite, dhe në veçanti për punën e përbashkët për të qenë partner i besueshëm dhe promovues i paqes, sigurisë dhe stabilitetit në Kosovë dhe në mbarë rajonin. Vazhdojmë të vendosur për të ardhmen tonë euroatlantike dhe te forcimit të subjektivitetit tonë ndërkombëtar”, ka thënë Zemaj.
