Ambasadori amerikan në Kosovë, Jeff Hovenier ka takuar sot kryetaren e Gjykatës Kushtetuese, Gresa Caka-Nimani.
Ambasadori Hovenier përmes një postimi në Twitter ka thënë se ka vlerësuar progresin e jashtëzakonshëm që ka arritur Kosova në fushën e drejtësisë.
“Në takimin tim prezantues me kryetaren e Gjykatës Kushtetuese Caka-Nimani, vlerësova progresin e jashtëzakonshëm që ka arritur Kosova dhe përsërita mbështetjen e SHBA-ve për institucionet e fuqishme dhe të pavarura gjyqësore që ofrojnë drejtësi për të gjithë qytetarët”, ka shkruar Hovenier.
