Ambasada e Shteteve të Bashkuara të Amerikës në Kosovë, në ditën Ndërkombëtare të Shërbyesve Civilë, i ka bërë thirrje Qeverisë se Kosovës që të bëjë emërimin e profesionisteve me përvojë dhe jo aleatëve politikë.
Reagimi i Ambasadës së SHBA-së vjen në ditën kur është bërë publike se Kryeministri i Kosovës, Avdullah Hoti, ka emëruar 22 zëvendësministra në gjithsej 16 ministri.
“Sot ne i njohim ata zyrtarë që i shërbejnë me ndershmëri vendit të tyre dhe i bëjmë thirrje Qeverisë së re të Kosovës që të emërojë profesionistë me përvojë e jo aleatë politikë”, thuhet në postimin e Ambasadës amerikane në Twitter.
Today we recognize those officials who honorably serve their country and call on #Kosovo's new government to appoint experienced professionals, rather than political allies. #PublicServiceDay
— U.S. Embassy Pristina (@USEmbPristina) June 23, 2020
Qeveria e re e Kosovës udhëhiqet nga Lidhja Demokratike e Kosovës, në koalicion me Aleancën për Ardhmërinë e Kosovës, Nismën Socialdemokrate, Listën Serbe dhe komunitetet tjera.