Sot me 8 shkurt duke filluar nga ora 18:00, Federata e Futbollit e Kosovës së bashku me Albi Mall sponsorin gjeneral te Superligës së Kosovës, mbledh të gjitha klubet e Superligës së Kosovës në një ngjarje të veçantë, ku fituesit e fushatës së nisur javë më parë në rrjetet sociale do të shpërblehen me fanella të nënshkruara nga vet lojtarët e ekipeve të ndryshme.
Duke qenë se Albi Mall është sponsor gjeneral i Superligës së Kosovës, është vendosur që në hapësirën e qendrës tregtare të organizohet ceremonia e shpërndarjes së 20 fanellave të nënshkruara nga 20 lojtarë të ekipeve elitare.
Përzgjedhja e fituesve të fanellave është bërë me anë të një loje shpërblyese në rrjete sociale, ku pastaj janë përzgjedhur fituesit.
Ceremonia e shpërndarjes së fanellave do të mbahet në katin e pare në Albi Mall duke filluar nga ora 18:00, tek galeria, duke pasur me këtë rast vizibilitet nga katet e mësipërme.
Tutje, ky event do të bëjë edhe zbulimin e 20 figurave të futbollistëve, me të cilat do të mund te fotografohen të gjithë në çdo kohë.
Edhe një herë vlerat sportive po promovohen në kuadër të qendrës duke dashur që edhe më tutje të kontribuohet në rritjen e vetëdijes, në përkrahjen e vlerave kulturore që po e afrojnë vendin tonë më afër botës, dhe Albi Mall nuk di ndryshe përveçse ta sjell botën sa më afër jush!
