Këngëtarët e njohur shqiptarë, Albërie Hadërgjonaj dhe Burak Vehapi, sjellin potpuri për 28 Nëntor, Ditën e Flamurit.
Dyshja e famshme kanë përpunuar disa nga këngët e njohura përfshirë “Jem Ilira jem Teuta” të Nikollë Nikprelajt, “Shqipërinë e dua” të Shaqir Cërvadikut, “Fluturo Pëllumb” të Nysret Muçiqit dhe “Lujma belin lujma” të Altin Shirës.
Të njëjtit vijnë me paraqitje atraktive, gjersa artistja nga Deçani merr vëmendje me fustanin e kuq me shqiponjën e zezë dy-krenare.
Albërie Hadërgjonaj dhe Burak Vehapi (Foto: YouTube)
Orkestrimi i këtij projekti u bë nga Drinor Zymberi, ndërkohë që producent ekzekutiv është Shpëtim Desku.
Të plotë tashmë e gjeni në platformën YouTube, në kanalin zyrtar të ‘n’Kosovë Show’.
Artistët shquhen për vokalin e veçantë dhe tani janë ndër më të pëlqyerit e më të suksesshmit në zhanrin e tyre.
