Sot në Paris, aktivistët mjedisorë derdhën ngjyrë në fasadën e Fondacionit Louis Vuitton dhe në Place Vendome, i njohur për dyqanet luksoze të bizhuterive.
Aktivistët e organizatës mjedisore “Extinction Rebellion” vendosën që aksionin ta realizojnë herët në mëngjes, para mitingjeve të paralajmëruara të 1 Majit.
Aktivistët mjedisorë kundërshtojnë uljet e taksave nga grupi luksoz – LVHM Louis Vuitton.
“Në këtë kontekst aktual social ku francezët heqin dorë nga një vakt në ditë për shkak të inflacionit, pasuria e grupeve të mëdha është thjesht e turpshme. Kërkesat e sindikatës për paga më të larta kanë mbështetjen tonë të plotë”, tha grupi mjedisor.
Mediat franceze kanë raportuar se në atë aksion janë arrestuar gjashtë aktivistë.
Në aksionin e dytë të grupit ekologjik “Last Renovation”, është spërkatur bojë në sheshin Vandom, ku ndodhet hoteli i famshëm luksoz Ric.
Këta aktivistë fajësojnë të pasurit se janë më përgjegjës për emetimet e gazrave serrë.
