E diela është e rezervuar për ndeshjen e dytë të serisë finale së “Play Off”-it, mes Pejës e Trepçës.
Ndeshja e dytë zhvillohet në palestrën sportive “Karagaçi”, nga ora 17:00.
Pejanët synojnë fitoren sot për të barazuar serinë finale, ndërsa mitrovicasit me një fitore eventuale, do të bënin një hap të madh drejt titullit të kampionit.
Trepça e fitoi ndeshjen e parë 94:86 si vendase dhe udhëheq 1:0 në këtë seri finale, ndërsa për t’u shpallur kampion nevojiten tri fitore.
“Xehetarët” ishin shpallur kampionë për herë të fundit në vitin 2012, kurse Peja më 2013.
