Një aksion i policisë është raportuar se ka ndodhur pas mesnatës në Prishtinë.
Ngjarja ka ndodhur në lagjen “Pejton”, rreth orës 03:00 të mëngjesit.
Siç shkruan KosovaPress, aty kanë qenë një numër i madh i policëve, transmeton Klankosova.tv
Thuhet se organet e rendit, po e kërkonin një person të dyshuar i cili është larguar nga vetura e tij dhe ka tentuar t’i ikë policisë këmbë, megjithatë, policia ka arritur ta arrestojë atë.
Lidhur me rastin në fjalë, Klankosova.tv ka kontaktuar me policinë për të marrë informacione lidhur me rastin, por deri në momentin kur u publikua lajmi, nuk ka ndonjë përgjigje.
