Presidenti i Austrisë, Alexander Van der Bellen gjatë ditës së djeshme pësoi një aksident.
Derisa ishte duke bërë “hiking” në mal, presidenti austriak rrëshqiti dhe u rrëzua.
Ai pësoi gërvishtje dhe tronditje, që bënë që mjekët t’i rekomandojnë qëndrimin në spital.
Ndërkohë, nga presidenca e Austrisë kanë njoftuar që takimet e parapara të mbahen të hënën dhe të martën, do të anulohen.
Lidhur me këtë ka reaguar presidentja Vjosa Osmani, duke i uruar shërim të shpejtë.
“I dëshiroj shërim të shpejtë Presidentit Van der Bellen, pas aksidentit. Të shkuara!” shkroi Osmani në Twitter.
Presidentja ishte takuar me homologun e saj austriak gjatë qershorit, pas ftesës zyrtare për vizitë në shtetin e Austrisë.
Dyshja ishte dakorduar për thellim të bashkëpunimit dhe marrëdhënieve Kosovë-Austri.
