Një aksident zinxhiror ka ndodhur ditën e së premtes në Veternik, ku mbetën të lënduar tetë persona (pesë meshkuj dhe tri femra).
Të përfshira kanë qenë një kamion dhe shtatë vetura.
Përveç lëndimeve gjatë aksidentit janë shkaktuar edhe dëme të mëdha materiale.
“Me vendim të prokurorit i dyshuari mashkull kosovar, ngasës i kamionit është arrestuar dhe dërguar në mbajtje, rasti në hetime”, thuhet në raportin e policisë.
Por, ditën e 11 tetorit, policia ka konfirmuar se të lënduar kanë mbetur 11 persona, e të përfshira kanë qenë 12 automjete.
