Një automjet i Forcës së Sigurisë së Kosovës është vetaksidentuar në fshatin Cërmjan të Gjakovës.
Si pasojë e këtij vetaksidenti shoferi ka pësuar lëndime trupore.
“Rreth orës 13:00 kemi pranuar informatë për aksident trafiku në fshatin Cermjan- Gjakovë. Policia ka dalë në vend-ngjarje ku ngasësi i një automjeti kishte humbur kontrollin mbi automjetin dhe ishte vetaksidentuar. Për pasojë përveç dëmeve materiale shoferi ka pësuar lëndime te lehta trupore”, ka thënë Sheremet Elezaj nga Policia e Kosovës.
Sipas pamjeve që janë publikuar në faqen e Kallxo, në Facebook, shihet i rrotulluar automjeti i FSK-së.