Një aksident me fatalitet ka ndodhur ditën e sotme në rrugën Lipjan-Shtime, ku një person ka humbur jetën dhe një person është lënduar pas përplasjes së tre automjete mes vete.
Lajmi për Sinjalin është konfirmuar nga zëdhënësi i Policisë për rajonin e Prishtinës, Agron Borovci, i cila tha se ngjarja ka ndodhur rreth orës 12:45 teksa në aksident u përfshinë një kamion dhe dy vetura.
“Si pasojë e aksidentit, një person ka humbur jetën ndërkaq për shkak të lëndimeve të marra nga aksidenti një person është dërguar në QKUK për trajtimin e nevojshëm mjekësor. Për shkak të aksidentit janë krijuar vështirësi qarkullimi në segmentin rrugor Lipjan-Shtime-Topliqan – Bujan”, tha Borovci.
Tutje ai shtoi se njësia rajonale e trafikut ka dalë në vendin e ngjarjes, ka ndërmarrë veprimet e nevojshme për lehtësimin e qarkullimit dhe ri drejtimin e trafikut, si dhe ka nisur një hetim lidhur me rrethanat e këtij aksidenti.
