Një aksident me pesë të lënduar ka ndodhur sot në udhëkryqin Klinë – Gjakovë, ku dyshohet se një komionetë dhe një veturë janë aksidentuar rëndë.
Zëdhënësi i Policisë për rajonin e Pejës, Fadil Gashi, tha se pesë personat e lënduar pas trajtimit në spital janë liruar.
“Në rrugë Klinë -Gjakovë në fshatin Vulljakë te Guri i Zi rreth orës 16:50 ka ndodhur një aksident mes dy automjeteve një kamionetë dhe një veture. Pesë persona janë lënduar dhe janë dërguar në emergjencën e spitalit rajonal për tretman, pas tretmanit të gjithë janë liruar. Njësitet kompetente janë marr me rrethanat e rastit.” – ka njoftuar Gashi.
