Aksident pranë mbikalimit të Patokut, 6 të plagosur

Një aksident i rëndë është shënuar mbrëmjen e sotme pranë mbikalimit të Patokut. Për pasojë kanë mbetur të plagosur 6 persona.

Në aksident raportohet se janë përfshirë dy makina.

4 nga të plagosurit janë dërguar për trajtim mjekësor në spitalin e Traumës ndërsa dy të tjerët në spitalin e Laçit.

Në vendngjarje ndodhte grupi hetimor dhe policia e qarkullimit për të zbardhur shkaqet e aksidentit.