Një këmbësore ka pësuar lëndime trupore nga një aksident në mes të dy veturave mbrëmjen e së martës në Veternik.
Lajmin e ka konfirmuar zëdhënësja e Policisë për Rajonin e Prishtinës, Flora Ahmeti.
Ajo tha se e lënduara është dërguar për tretman mjekësor, ndërsa me rastin po merret njësia e trafikut.
“Rreth orës 17:00 kemi pranuar informatën se në rrugën Prishtinë- Gjilan, ka ndodhur një aksident trafiku me lëndime.
Në këtë aksident kanë qenë të përfshirë, një këmbësore dhe dy automjete.
Si pasojë e aksidentit lëndime trupore ka pësuar këmbësorja dhe e njëjta është dërguar për tretman mjekësor.
Me rastin po merret njësiti i trafikut”, ka deklaruar Ahmeti.
