Një këmbësor rreth moshës 80 vjeçare është lënduar rëndë pasi është goditur nga një veturë në lëvizje sot në magjistralen Prishtinë-Pejë.
Lajmin e ka konfirmuar zëdhënësi i Policisë së Kosovës, Bajram Krasniqi.
Viktima është dërguar në Qendrën Klinike Universitare të Prishtinës (QKUK) për trajtim të mëtutjeshëm.
“Rreth orës 11:21 ka ndodhur një aksident mes një veture dhe një këmbësori rreth 80 vjeçare në magjistralen Prishtinë-Pejë. I aksidentuari është dërguar në QKUK, për trajtim të mëtutjeshëm mjekësor”, ka thënë Krasniqi.
