Një aksident trafiku mes dy automjeteve ka ndodhur sot rreth orës 20:00 në rrugën “Fehmi Agani” në Lipjan, ku kanë mbetur të lënduar dy persona, shkruan Insajderi
Në këtë aksident ishin të përfshirë një fugon dhe një veturë, kurse të lënduarit kanë pranuar trajtim mjekësor.
Lajmin për Insajderin e ka konfirmuar zëdhënësja e Policisë për rajonin e Prishtinës, Flora Ahmeti.
“Njësia rajonale e trafikut ka dalë në vendin e ngjarjes dhe ka nisur një hetim për zbardhjen e shkaqeve të këtij aksidenti”, ka thënë ajo për Insajderin.