Qindra automjete janë përplasur duke krijuar një grumbull masiv në një urë në Kinë, duke lënë një person të vdekur dhe dhjetëra të plagosur, raporton Sky News.
Imazhet e shpërndara në rrjetet sociale tregojnë makina dhe kamionë të përplasur dhe mbi njëri-tjetrin rreth orës 7:40 të mëngjesit në urën Zhengxin Huanghe në Zhengzhou, një qytet në provincën Henan.
Policia e trafikut të Zhengzhou vlerësoi se në aksidentin masiv mund të jenë përfshirë deri në 290 automjete u përfshinë në aksident, raportoi Newsweek, ndërsa pamjet e kamerave të shpërndara në internet tregojnë se ka pasur një shikueshmëri jashtëzakonisht të dobët në urë për shkak të mjegullës së dendur.
Raportohet se më shumë se 70 forca zjarrfikëse erdhën në ndihmë në vendngjarje, ndërsa autoritetet përkatëse dërguan me urgjencë shoferët dhe pasagjerët e plagosur në spitalet lokale.