Ministria e Financave ka njoftuar të enjten se është shtyrë afati për t’u regjistruar për kalim në skemën parciale kontributive të pensioneve deri më 15 shtator.
Sipas njoftimit, të gjithë pensionistët e larguar dhunshëm nga puna në vitet e 90-ta, të cilët nuk kanë arritur të kenë 15 vite stazh dhe plotësojnë kriteret e parapara me ligj, mund të aplikojnë për t’u regjistruar për kalim në skemën parciale kontributive përmes vegëzës: https://info-pensionet.rks-gov.net
“Pas regjistrimit, zyrat e pensioneve do t’i ftojnë pensionistët për paraqitjen e aplikacionit për kalim në skemën parciale kontributive, ashtu që të evitohen pritjet e gjata para sporteleve”, thuhet në komunikatën për media.
