Muri i ngritur në veri të Mitrovicës, është në projektin e Brukselit për revitalizimin e urës, jo në lartësinë e siç është ngritur ai, mirëpo muri është pjesë e këtij projekti.
Këtë gjë e ka pohuar zyrtarja ekzekutive në komunë e Mitrovicës Veriore Adriana Hoxhiq, e cila ka thënë gjithashtu se rrëzimi i tij nuk është në dorën e komunës.
Hoxhiq ka thënë se çështja e urës është politike, dhe se është folur për të 4 vite me radhe pa asnjë rezultat konkret.
E muri i ngritur sipas saj është një patate e nxehtë që po tentohet t’i lihet në dorë komunës së saj, por që nuk do e marrin përsipër këtë barrë.
