Sot në Drenas do të protestohet për rastin e abuzimit seksual të 16 vjeçares nga hetuesi policor dhe profesori i saj në këtë komunë.
Po ashtu Komuna e Drenasit ka njoftuar të gjithë qytetarët se sot duke filluar nga ora 12:00 deri 13:30, një pjesë e rrugëve të qytetit do të jenë të bllokuara për automjete për shkak të protestës së paralajmëruar ndaj rastit të dhunimit të një të miture, raporton prishtinapress.eu
Rruga “Ajet Rrukiqi” nga shkolla e mesme e Gjimnazit “Gjergj Kastrioti-Skënderbeu” dhe rruga “Ilaz Kodra” nga rrethi deri te objekti i Komunës, do të jetë e bllokuar për automjete, thuhet në njoftim.
Komuna e Drenasit sugjeron qytetarët që gjatë kësaj kohe të bllokimit të rrugëve të përdorin alternativa të tjera të rrugëve.
Ndërkaq, gjatë ditës së djeshme në lidhje me të njëjtën çështje u protuestua në Prishtinë.
