Ministri i Punës dhe Mirëqenies Sociale, Arban Abrashi tha se deri në periudhën e fundit të vitit 2016, papunësia në Kosovë është në shkallën prej 27-28 për qind.
Gjatë një diskutimi në “Fol Hapur”, Abrashi tha se gjatë mandatit të tij janë evidentuar diku 30 mijë vende të reja të punës, që sipas tij kanë dalë nga të dhënat për kontributet e të punësuarve.
Ai tha se në vitin 2015 në Trustin Pensional kanë qenë 230 mijë kontributdhënës kurse kjo në fund të vitit 2016 është arrit në 260 mijë kontributdhënës.
Në “Fol Hapur” Abrashi ka folur edhe për pensionistët që sipas tij nga 17 mijë pensionistë mashtrues janë kursyer 10 deri 15 milionë euro në mandatin e tij duke parandaluar këtë dukuri.
Ministri i Punës tha se vende të punës ka në sektorët e tekstilit, në sektorin e IT-së, në sektorin e përpunimit të drurit dhe në sektorin e ndërtimeve , por mungojnë punëtorët e kualifikuar. /kp/