Kryetari i LDK-së, Lumir Abdixhiku, ka thënë në emisionin DPT te Fidani në T7 se profesoni i politikës është shumë i ëvshtirë. Ai ka shtuar se kërkon motiv çdo ditë, e atë e gjen edhe në këngët që dëgjon.
Abdixhiku ka treguar se këngët e artistëve të cilat e motivojnë.
“Në politikë më motivojnë këngët e Eminemit dhe Aerosmith”, tha ai.
“Është kënga “Lose Yourself” e Eminemit dhe ajo “Dream on” e Aerosmith. Sidomos ajo pjesa kur fillon “sing with me…”. më motivon shumë. Tash edhe vajzat më zgjedhin disa këngë e ato më tregojnë këngë të reja të cilat i dëgjojnë”, shtoi Abdixhiku.
“Në politikë nuk duhet të jesh emocional. Duhet të jesh pragmatik, analizues. Po ashtu të kesh durim, durim të madh madje. Të ofrosh qetësi dhe të bësh më të mirën”, përfundoi ai.
