Lumir Abdixhiku, kryetar i LDK-së, ka publikuar një shkrim, në të cilin ka folur rreth takimit e realizuar në zyrën e presidentes Vjosa Osmani, ku u diskutua për datën e zgjedhjeve të reja.
Abdixhiku ka treguar se ai vetë ka propozuar 26 janarin e vitit 2025 si datë të zgjedhjeve.
“Meqë, sipas përcaktimeve të afateve kushtetuese, në dispozicion na u ofruan katër data, ato të 26 janarit, 2 shkurtit, 9 shkurtit e 16 shkurtit; dhe në vijë me bindjet politike të Lidhjes Demokratike – se vendit i duhet sa më parë një Qeveri e re, që parandalon zhbërjen e shtetit, shëron polarizimin shoqëror, rikthen orientimin pro-perëndimor e fokusohet në zhvillim e mirëqenie qytetare, propozova datën 26 janar 2025 si datë të zgjedhjeve të ardhshme” – ka shkruar ai.
