Kryeministri i Malit të Zi, Dritan Abazoviq, është duke qëndruar për vizitë zyrtare në Kosovë.
Teksa ditën e djeshme pati takime me kryeministrin Albin Kurti dhe liderët e opozitës, sot Abazoviq u takua me presidenten Vjosa Osmani, për të marrë rrugën më pas drejt Pejës.
Në Pejë, Abazoviq u prit nga kryetari i komunës, Gazmend Muhaxheri, së bashku me kabinetin e tij.
Në vizitën e tij në Pejë, Abazoviq pritet të shohë nga afër Projektin IPA, mes Kosovës dhe Malit të Zi, si dhe do të vizitojë Muzeun e Qytetit.
