Aleanca për Ardhmërinë e Kosovës ka bërë të ditur se si pasojë e gjendjes së krijuar së fundmi nga pandemia globale e coronavirusit (COVID-19) dhe vendimit të mbrëmshëm të Qeverisë së Kosovës do të pezullojë përkohësisht të gjitha kuvendet zgjedhore deri më 27 mars.
AAK bën thirrje që situata të menaxhohet në mënyrë profesionale, duke respektuar këshillat e Organizatës Botërore të Shëndetësisë, si dhe të organizatave të tjera relevante.
“Është një situatë e ndjeshme të cilën mund ta kalojmë së bashku me kujdes, por pa bërë panik të panevojshëm”, thuhet në njoftim.
