Aleanca për Ardhmërinë e Kosovës (AAK) ka bërë të ditur se deputeti i kësaj partie, Shemsedin Dreshaj nesër do të dorëzojë të Avokati i Popullit, Ligjin për Skemat Pensionale Kontributdhënëse.
Sipas njoftimit të AAK-së, dorëzimi i Ligjit bëhet në ora 10:00 dhe qëllimi është që ky Ligj të procedohet për interpretimin në Gjykatën Kushtetuese.
“Nesër, më datë 7 shkurt, në ora 10:00, deputeti i AAK-së, Shemsedin Dreshaj dorëzon në Institucionin e Avokatit të Popullit, Ligjin për Skemat Pensionale Kontributdhënëse, me qëllim të procedimit të këtij Ligji për interpretim në Gjykatën Kushtetuese.”
“Me këtë rast, deputeti Dreshaj do të deklarohet para mediave lidhur me këtë çështje, tek hyrja e objektit të Institucionit të Avokatit të Popullit.” – thuhet në njoftimin e AAK-së.
