Avokati Meshar Selimaj ishte mëngjesin e kësaj të hëne në “Good Morning Albanians” për të folur rreth tentativës për të dhunuar në burg Granit Plavën, i akuzuar si ekzekutori i Liridona Ademajt.
Avokati tha se nëpër media u fol edhe se në burg, të akuzuarit për vrasje i ishte gjetur edhe një litar për vetëvarje, gjë që sipas avokatit nuk është e vërtetë e nuk është raportuar nga policia.
“Nga aq sa kam parë nëpër mediat e shkruara elektronike, lajmi për gjetjen e një litari është i pavërtetë. Nuk vërtetohet të paktën nga shërbimi korrektues i Kosovës, pra organi i cili drejton burgjet në Kosovë, nuk është thënë se një gjë tillë është e saktë.
Qendrat e paraburgimit në Kosovë, e përbëjnë një rregull të dukshëm në masë të madhe, sidomos në rastet e ndjeshme dhe të pandehurit në mbajtje të masës së paraburgimit, parimisht dhe praktikisht ndahen nga njëri-tjetri”,-tha avokati.
