Kryeprokurori i Prokurorisë Speciale, Blerim Isufaj, gjatë konferencës për media, është pyetur nga gazetarët nëse do të dërgohet me forcë kryeministri Kurti për të dëshmuar në rastin e rezervave shtetërore, pas refuzimit të tij për të shkuar në Prokurori.
Isufaj tha se nuk mund të paragjykojë asgjë.
Sipas tij ligji zbatohet për të gjithë njësoj dhe se nuk bëhet në mënyrë selektive.
“Unë nuk mund të paragjykoj asgjë. E thash në fillim se ligji është i barabartë për të gjithë dhe se ligji do të zbatohet ndaj të gjithëve njësoj, nuk është e ndershme që ligji të zbatohet në mënyrë selektive. Sepse nëse e bëjmë në mënyrë selektive, kjo është vepër penale”
