Thaçi sot takon kryetaren e KQZ-së, partitë në ditët e ardhshme

Por, duket se tashmë ka lëvizje në këtë drejtim.

Presidenti Hashim Thaçi sot gjatë ditës pritet të takohet me kryetaren e KQZ-së, Valdete Daka, për t’u konsultuar për hapat e mëtejshëm në rrethanat e krijuara politike, njofton Klan Kosova.

Në një komunikatë të lëshuar për media gjatë ditës së djeshme nga presidenca thuhet se takimet me partitë tjera politike do të vazhdojnë në ditët e ardhshme, varësisht nga agjenda dhe zhvillimet brenda vet partive politike përkatëse.

Gjatë ditës së djeshme, Thaçi ka takuar përfaqësuesit e KDTP-së dhe ata të VAKAT nga grupi parlamentar 6+, Ministrin Mahir Yagcilar dhe deputetët Duda Balje dhe Bahrim Sabani me të cilët ka biseduar për zhvillimet politike pas dorëheqjes së Ramush Haradinajt nga posti i kryeministrit.

PostAdss