Me rastin e fillimit të zgjedhjeve të brendshme në degën e Partisë Demokratike të Kosovës, Kryetari i komunës së Drenasit, Ramiz Lladrovci, ka ftuar qytetarët t’i bashkohen këtij procesi.
Postimi i Lladrovcit në Facebook:
Urime fillimi i procesit zgjedhor të PDK-së në Drenas!
Bastioni i Partisë Demokratike të Kosovës, Drenasi, sonte filloi me procesin e brendshëm zgjedhor. Sipas orarit të përcaktuar nga Komisioni lokal dhe qendror për zgjedhje të brendshme, e filluam me nëndegët në Likoshan dhe Vuçak.
Ky proces i brendshëm zgjedhor, do të rikonfirmoj kohezionin e brendshëm, fuqizimin e nëndegëve me anëtarë të rinj si dhe konsolidimin e instancave lokale partiake, rreth platformës Dekada e Re dhe vizionit të liderit tonë, Kadri Veseli.
Takimet njoftuese të deritashme nëpër nëndegë, kanë pasur ecuri dhe zhvillim të jashtëzakonshëm pozitiv. Ashtu presim të zhvillohen edhe me zgjedhjet e brendshme, duke bashkuar gjeneratat, kontribuuesit, veprimtarët, simpatizantët dhe qytetarët, rreth Dekadës së re, me masivitet, pjesëmarrje të personaliteteve të shquara nga nëndegët, si dhe proces demokratik.
Procesi i sontëm zgjedhor, në nëndegët e PDK-së në Likoshan dhe Vuçak, japin mesazh të fuqishëm të unitetit tonë në Degën e Drenasit, të gatishmërisë tonë për të zgjedhur më të mirët, duke fuqizuar të gjitha nivelet e organizimit politik, si dhe të rikonfirmojmë se Drenasi dhe Drenica, sikur dje që ishte bastion i UÇK-së, sot është bastion i PDK-së.
Me vizionin e liderit të PDK-së, Kadri Veseli dhe platformën Dekada e Re, jemi faqebardhë para qytetarëve tanë, për ta bërë komunën tonë dhe shtetin tonë, me besim, zhvillim dhe integrim!
Suksese kandidatëve, zgjidhni më meritorët!
