Atletico Madrid ka shënuar një fitore të rëndësishme në ndeshjen e parë të 1/8 së finales së Ligës së Kampionëve, duke i mundur 2:0 kampionët e Italisë, skuadrën e Juventusit.
Të dy golat e kësaj ndeshje u shënuan në pjesën e dytë, me Gimenez dhe Godin autorë të tyre.
Cristiano Ronaldo, në të kaluarën lojtar i Real Madridit, ishte cak i tifozëve vendas, të cilët në mënyra të ndryshme u munduan të provokonin atë.
Provokime për Ronaldon ka pasur edhe pas përfundimit të ndeshjes, në pjesën ‘mix’ të stadiumit, ku gazetarë të afërt me skuadrën e Atletico Madridit ‘thumbuan’ portugezin.
Sikurse në fushë, edhe te kjo pjesë, Ronaldo nuk hezitoi të tregonte titujt e fituar në Ligën e Kampionëve.
“Unë i kam fituar pesë tituj të Ligës së Kampionëve, Atletico Madrid asnjë”, iu është përgjigjur Ronaldo.
✔@DidierRoustan
“Cinco champions” balance après la défaite Ronaldo à la presse espagnole (et sans doute particulièrement la presse proche de l’Atletico Madrid..).. Et toc..
